480 posts

Күңел авазы
Бу көннәрдә ТР Дәүләт архивы тарафыннан игьлан ителгән республика күләмендә "Шәҗәрә" фестивале дәвам итә.
Шушы уңайдан, күңелдә туган уйларым белән уртаклашмыйча кала алмыйм.
Безнең сеңлебез Илүзә һәм энебез Зөлфәт мәдәният йортында эшлиләр. Туганнар группасына:
- Безнең нәселне "Шәҗәрә" фестивалендә катнашырга тәкьдим иттеләр. -Катнашабызмы, туганнар?!
-Катнашабыз!!!
Нәселебезне барлап чыктык. Сәхнәгә чыгачак 67 туган тупланды (3-6 айлык оныкларны да исәпләп).
Ни өчен районда безнең Җиһаншиннар нәселен тәкьдим иттеләр икән, дигән сорауга:
- Фестивальнең темасы: "Без тарихта эзлебез", - дип атала. -
Туган авылыбыз Эзмәдә "Иҗат" һәм "Бәхет", Сабаның үзендә "Ял" чишмәсе төзедек. Эзмәдә зират йортын да безнең Җиһаншиннар төзеде. Барысы да үзебезнең көч белән, менә шуларны искә алып, безне тәкьдим иттеләр. Айгөл апалар Әлмәттә мөселман мәктәбе ачтылар",- дип аңлатты энем Зөлфәт. Ул икенче көнне үк, дәүләт архивына юл салды. Генеолог Рузаль Файзрахманов ярдәмендә 13 буын бабаларыбызны ачыклау эшен башлап җибәрде. #рузальфайзрахманов үз хезмәтенең профессионалы булып чыкты. Ике-өч атна эчендә безнең нәсел чылбырын ясап та бирде. Зур баннер ясаттык. 7 буынлы шәҗәрәләр урынына һәр гаилә 13 нәсел буынын тоташтырган шәҗәрәләр ясатып алдык. Дәүләт архивы күрсәтмәләренә нигезләнеп, Илүзә сеңлем, нәселебезнең данлы тарихын 7 минутка сыйдырган бай эчтәлекле сценарий язды. Районның төрле авылларына таралган туганнарыбыз тупланып, көн саен авыл мәдәният йортында репетициягә җыйналдык.
Дәүләт архивыннан район мәдәният бүлегенә җибәрелгән күрсәтмә (критерийлары) белән 28 нче март көнне Шәмәрдән мәдәниятShow more йортында район турында катнаштык. Комиссия безнең чыгышка 1 нче урын бирде.
Зона турында чыгыш ясар өчен әзерлек репетицияләре Саба мәдәният йортында узды. Кураторыбыз, мәдәният бүлеге методисты Гөлүсә Садриева безне дәүләт архивыннан бирелгән критерийлар буенча, бөтен көчен куеп әзерләде.
9 апрель көнне Арча районына зона турына җыйналдык. Күпләрегез белә, мин - тәҗрибәле журналист һәм район, республика күләмендә уза торган конкурсларда комиссиядә утырам. Безнең алга конкурсның баллар билгели торган шартлары куела да без шуның нигезендә һәр чыгышка балл куябыз.
Фестивальдә дә районнарның чыгышын комиссия күзлегеннән чыгып бәяләдем. Иң беренче, исеме "Шәҗәрә" фестивале дип атала. Кызганычка каршы, бер генә районның да сәхнәдә нәсел шәҗәрәләрен күрмәдем. Баннерлар куелды, тик ул йорт стенасына куела торган шәҗәрәне алыштыра алмый. Икенчесе: фестивальнең темасы: "Без тарихта эзлебез!"
Тарихта эз калдыруны чыгыш ясаучыларга аңлатмаганнармы? Кая сезнең нәселләрегез ясаган чишмәләр, мәчетләр, мәктәпләр, һич югы кечкенә генә булса да инеш аша чыга торган күперләр? Бу эшләрне шул нәсел эшләп калдырды, дип искә ала торган хезмәтләрегез? Фестивальнең максаты, авыл тарихында эше белән якты эз калдырган гаиләләрне барлауга юнәлдерелгән бит, җәмәгать!
Әгәр дә Дәүләт архивы быел гаиләләр елы уңаеннан "Күркәм гаиләләр" дип, ирекле форматта игьлан иткән булса, безнең нәсел дә критерийларга буйсынмыйча, бөтенләй башка юнәлештәге сценарий әзерләр идек.
Минем арттагы рәттә утырган ханым, Теләче районы чыгыш ясый башлагач: "Кызыыык! Былтыр да шушы ук сценарий белән Фәләхиевлар килгән иде",- дип әйтеп куйды. Район баш мөхтәсибе, хөрмәтле Исмәгыйль хәзрәт андый адымга бармас, дип уйлап куйдым.
Күңелне төшергәне шул булды: Дәүләт архивы тарафыннан җиткерелгән барлык критерийларга нигезләнеп, 67 туганны берләштереп, зур сәхнә тоткан Җиһаншиннарга 3 нче урын бирелүе. Дәүләт архивы, алга таба да үзләре җибәргән конкурс таләпләренә игьтибар бирмичә, киләчәге көчле булган нәселләрне дөрес бәяләмәсәләр, исеме җисеменә туры килми торган фестивальләр белән гаиләләрне саклауда үз өлешләрен кертә алырлармы икән?
Максатның юнәлеше бер генә: шушындый фестивальләр, конкурслар аша күркәм гаиләләрне барлау һәм алар үрнәгендә яшь буынны тәрбияләү!
Күргәзмәбез дә үзенчәлекле иде. Милли ризыклардан 20 - 21 нче гасыр өстәлләре ясалды. Ике гасыр арасында милли ризыклардагы яңарышны күрсәттек. Без - игенчеләр нәселе булуыбызны да дәвам итәбез. Улым Алим пекарнясында өч төрле икмәк, чүпрә кушмыйча, әчетке ясалып пешерелә. Күргәзмәбез дә бер генә районны да кабатламады. Бер комиссия әгьзасы, эмоциясен яшерә алмады: "Оооо с ними бороться невозможно!"- дип тә әйтеп куйды.
40 people reacted
970 views
145 people reacted
3.5K views
Заходите в игру 5 дней подряд, чтобы получить Колесо Фортуны бесплатно!
7 people reacted
2.3K views
120 people reacted
2K views