Нәниләргә кызыклы массаж!
Күбебезгә массаж ясый торган
"Рельсы, рельсы, шпалы, шпалы,
Show more едет поезд запоздалый..." мавыктыргычы таныштыр. Шәхсән мин әниемнең, шул сүзләрне әйтеп, массаж ясавын бик ярата идем. Сезгә шуңа ияреп язылган татарча мавыктыргычны тәкъдим итәм. “Үчтеки” дә урнаштырганчы, улларымда тикшердем - аларга ошады. 
“Чакылт-чокылт”
Поезд йөри
Чакылт-чокылт,
Чакылт-чокылт,
Чакылт-чокылт!
Тәгәрмәче -
Чакылт-чокылт,
Чакылт-чокылт,
Чакылт-чокылт!
Поезд ишеге
Ачык -
Тәгәрәп төште
Капчык!
Коелды аннан борчак,
Җыелды халык шул чак:
Тавыклар
Кыт-кыт-кытак!
Үрдәкләр
Бак-бак-бак-бак!
Чыпчыклар
Чырык-чырык!
Каргалар
Карык-карык!
Сарыклар
Бәә-бәә!
Кәҗәләр
Мәә-мәә!
Песи генә йоклаган,
Аңа борчак калмаган…
Ә-ә-ә! Берәү калган икән -
Чокырга тәгәрәп киткән!
Айгөл Әюпова
Хәрәкәтләр (видеосын да яздырырга тырышырмын Аб)
“Чакылт-чокылт”
Поезд йөри (кулларны буйга һәм аркылыгы йөртәбез, рельс һәм шпал ясыйбыз)
Чакылт-чокылт,
Чакылт-чокылт,
Чакылт-чокылт!
Тәгәрмәче -
Чакылт-чокылт,
Чакылт-чокылт,
Чакылт-чокылт!
(кулларны буйга һәм аркылыгы йөртәбез, рельс һәм шпал ясыйбыз)
Поезд ишеге
Ачык - (куллар белән турыпочмаклык сызабыз - ишек ясыйбыз)
Тәгәрәп төште (өстән аска кулларны тәгәрәтәбез)
Капчык!
Коелды аннан борчак, (имән бармаклар белән төрткәлибез)
Җыелды халык шул чак:
Тавыклар
Кыт-кыт-кытак! (бармаклар белән төрткәлибез, чукыган хәрәкәт)
Үрдәкләр
Бак-бак-бак-бак! (чеметкәлибез)
Чыпчыклар
Чырык-чырык! (имән һәм урта бармакларны сикертеп барабыз)
Каргалар
Карык-карык! (имән бармак белән еш-еш суккалыйбыз, карга чукыган хәрәкәт)
Сарыклар
Бәә-бәә! (баш, имән һәм урта бармаклар белән сыпырабыз)
Кәҗәләр
Мәә-мәә! (имән һәм урта бармаклар белән сөзәбез)
Песи генә йоклаган, (бармакларны йомшак атлатабыз яки йомшак итеп сыйпыйбыз)
Аңа борчак калмаган…
Ә-ә-ә! Берәү калган икән - (пауза)
Чокырга тәгәрәп киткән! ( бармакларны баланың култык астына таба атлатабыз һәм кытыклыйбыз)
комментарийга "Театрга Тәртип белән!" дип языгыз;
