Аяк хээлиг Тывавыстың өзүп олурар спортчузу, Туран хоорай чурттуг 13 харлыг Асель Бегзи-Хуурак Кыдатка болган чурттар аразының хаак маргылдаазынга хары угда 3 медельды чедиишкинниг чаалап алганы, спортShow more делегейинге ёзулуг маадырлыг чорук кылдыр санаар апаар, харын-даа ховар таварылга, сенсация дизе хөөрем чок! Дараазында шүлүкчүгешти Асельге чоргаарланып тураскааттым.

ШЫПШЫКЧЕ КЫЛЫЙТТЫ

Хаак спортунуң тулган Чемпиону
Хары угда үш медаль чаалаан болду.
Шала чавыс дуърт-сынныг көстүр-даа бол,
Шаг-шинээ артык күштүг болганы ол!

Барып-барып Кыдатка ону чедип,
Барымдаалыг төөгүже ынчаар кирип,
Алаң кайгадыр шыпшыкче кылыйтты–
Алдын, мөңгүн, хүлер медаль шаңнатты!

Дембилдейлиг төрээн Тывазы кады
Делегейже ады дыргын тарады.
Бичиизинге сезиг чок чалынмажык–
Бистер аңаа чоргаарланып ханмажык!

Аяс Санчай-оол.