Кичерә алсаң, кичерә күр, Раббым,
Хаталардан хали түгелмен.
Тик шулай да һичбер начарлык юк,
Show more
Яхшылыкта гына күңелем.
Хаталанмый, дөрес юллар табып
Гомер сукмагыннан үтәсем
Бик тә килә, ләкин белеп булмый
Язмышлардан ниләр көтәсен...
Кем яшәми, тик шул ялгышмыйдыр,
Ә мин яшим, яшәп туялмыйм.
Давылларга каршы барам кайчак,
Кул изәсә өмет - хыялым.
Кичерә алсаң, кичер, бер хыялый
Тормыш сөйгән шушы колыңны.
Ярдәмеңә һәрчак таянамын
Үткән чакта гомер юлымны... (Гөлара Шәрипова)